химиялық бақылау посты

(Пост химического наблюдения)

радиациялық және химиялық, биоло-гиялық (бактериологиялық) жағдайды бақылау органы. Х.б.п-ның құрамына арнайы даярланған бөлімнің (ұрыстық машиналар экипажының) жеке құрамы тағайындалады. Х.б.п. екі, үш бақылаушыдан тұрады, оның біреуі басшы болып бекітіледі. Х.б.п-нда радиациялық және химиялық барлаудың бақылау аспаптары, ірі масштабтағы карта немесе жергілікті жер нобайы, бақылау журналы, байланыс және радиоактивті, химиялық, биологиялық (бактериялогиялық) зақымдар туралы хабарландыру белгілерін беру құралдары болу керек. Х.б.п. белгіленген уақытта көрсетілген ауданда үздіксіз бақылаулар жүргізеді және әрбір артиллериялық, авиациялық шабуылдау кезінде радиациялық және химиялық барлау аспаптарын қосады және олардың көрсеткіштерін бақылап отырады, радиациялық, химиялық, биологиялық (бактериялогиялық) зақымдарды табу кезінде белгіленген тәртіпте хабарландыруды жүзеге асырады.